മാന്ത്രിക വിരൽ.... 4.
================
ഒരു പുൽക്കെട്ടിൽ വീണതു പോലെ വിപിന് മുകളിലേക്കുയർന്നു വീണ്ടും താഴേക്ക് വീണു.
തനിക്കു ചുറ്റും ചിതറി വീഴുന്ന പാറക്കല്ലുകളുടെയും പക്ഷികളുടെയും ശബ്ദം അർദ്ധബോധാവസ്ഥയിലും അവന് കേൾക്കുന്നുണ്ടായിരുന്നു.
ചുറ്റും ഇരുൾ
പരന്നു തുടങ്ങിയിരിക്കുന്നു.
ഭീമാകാരമായ രണ്ടു കാലുകള് അവന്റെ അരികില് എത്തി.
അവനെ തൂക്കിയെടുത്ത് അത് ആ കട്ട പിടിച്ച ഇരുട്ടിലൂടെ മുന്നോട്ടു നടന്നു. ...
അർദ്ധബോധാവസ്ഥയിലും താൻ മറ്റൊരു അപകടത്തിലേക്കാണ് പൊയ്ക്കൊണ്ടിരിക്കുന്നതെന്നവനു
തോന്നി.
മുഖത്തേക്കു വെയിലടിച്ചതോടെ വിപിന് എഴുന്നേറ്റിരുന്നു.
താനിതെവിടെയാണ്. ...?
മേൽക്കൂരയില്ലാത്ത പാതി തകർന്ന ഒരു പടുകൂറ്റൻ മൺ കെട്ടിടത്തിനകത്തെ കൂറ്റനൊരു മുറിയില് ആണ് താന് കിടക്കുന്നത്.
സൂര്യന് തലക്കു മുകളില് എത്തിയിരിക്കുന്നു.
തലേന്ന് നടന്ന സംഭവങ്ങള് അവന് ഓർത്തെടുത്തു.
അൽപമകലെ കുറച്ചു മനുഷ്യർ പരിക്കേറ്റ പക്ഷികളെ കൊന്നു മാംസം വേർതിരിക്കുന്നതവൻ കണ്ടു .
വലിയ മനുഷ്യർ....
പക്ഷേ താനവരുടെ മുട്ടോളമേ ഉയരമുള്ളൂ.
ഇത് ചിത്രകഥകളിൽ വായിച്ച രാക്ഷസന്മാരാണോ....?
അതോ ഗള്ളിവറുടെ രണ്ടാം യാത്രയിലെ ഭീമൻമാരോ...?
ഇവർ തന്നെയും കൊന്നു തിന്നുമോ...?
പക്ഷേ ഇപ്പോൾ താന് സ്വതന്ത്രനാണ് .
ഒരുപക്ഷേ അവരുടെ കണ്ണു വെട്ടിച്ച് തനിക്കിവിടെ നിന്നു രക്ഷപെടാനാവില്ലെന്ന് അവര്ക്ക് ബോധ്യമുള്ളതു കൊണ്ടാവണം.
ദേഹമാസകലം വീഴ്ച മൂലം വേദനയുണ്ട്.
അവന് രണ്ടും കല്പിച്ച് അവരുടെ അരികിലേക്ക് നടന്നു.
" നിങ്ങള് ആരാണ്. ..?"
"എന്തിനാണെന്നെ പിടിച്ചു വച്ചിരിക്കുന്നത്....? "
അവൻ ഉച്ചത്തിൽ വിളിച്ചു ചോദിച്ചു.
അതിൽ നേതാവെന്നു തോന്നിപ്പിക്കുന്ന ഒരാള് അവന്റെ ശബ്ദം കേട്ട് താഴെക്കു കുനിഞ്ഞു നോക്കി.
ഒരു കൈ കൊണ്ട് അവനെ പൊക്കിയെടുത്തു.
അയാളുടെ കൈക്കുള്ളിൽ ഒതുങ്ങുന്ന വലിപ്പമേ അവനുണ്ടായിരുന്നുള്ളൂ.....
അവൻ അയാളുടെ വിരലുകള്ക്കിടയിൽ കിടന്നു പിടഞ്ഞു.
അയാള് അവനെ കണ്ണോടടുപ്പിച്ചു.. അവൻറെ വസ്ത്രങ്ങൾ സൂക്ഷ്മതയോടെ വിരൽ കൊണ്ട് പരിശോധിച്ചു.
" . ....?"
അയാൾ മനസിലാവാത്ത ഏതോ ഭാഷയിൽ ചോദിച്ചു.
".....? "
അയാള് പതുക്കെ യാണ് ചോദിച്ചതെങ്കിലും തൻറെ ചെവി തകര്ന്നു പോവുന്ന ശബ്ദമായി അവനതു തോന്നി.
അവന് ആ ശബ്ദം താങ്ങാനാവാതെ ചെവികള് പൊത്തിപ്പിടിച്ചു.
അയാള് അവനെ നേരിട്ട് കാണുന്ന വിധത്തില് ഒരു കല്ലിനു മുകളില് നിർത്തി.
പിന്നെ അവൻറെ അത്രയും വലിപ്പമുള്ള ഒരുപഴം തൊലിയുരിഞ്ഞ് അവന്റെ മുന്നിലേക്കിട്ടു കൊടുത്തു.
അവാച്യമായ ഒരു സുഗന്ധം അവിടെ പരന്നു. അത് ആ പഴത്തിൽ നിന്നും പ്രസരിക്കുന്നതാണെന്നവനു മനസ്സിലായി. അവന് അതില് നിന്നും ഒരു ചെറിയ ഭാഗം കൈ ഉള്ളിലേക്കു താഴ്ത്തി മുറിച്ചെടുത്തു. അതിൻറെ ഗന്ധം അവനെ വല്ലാതെ കൊതിപ്പിക്കുന്നുണ്ടായിരുന്നു. അത്രയും രുചികരവും മധുരം നിറഞ്ഞതുമായ ഒരു പഴം തൻറെ ജീവിതത്തിൽ ഇതുവരെ കഴിച്ചിട്ടില്ലെന്നവനു തോന്നി. വയർ നിറയെ കഴിച്ചു ഒരു മയക്കത്തോടെ അവനവിടെ ഇരുന്നു പോയി.
ഭക്ഷണം കഴിച്ചെന്നു മനസ്സിലായതോടെ അയാള് തന്റെ വിരലു കൊണ്ട് അവനെ ചെറുതായി തള്ളി. ...
"നീ. ...ആരാണ്. ....?"
അയാള് ആംഗ്യം കാണിച്ചു.
"ഞാന് വിപിന്. ..."
അവന് മറുപടി പറഞ്ഞു.
"ഇവിടെ എന്തിനു വന്നു...?"
അയാൾ ആംഗ്യത്തിലൂടെ ചോദിച്ചു.
" റിൻഷോഷിനെ കാണാന് വന്നതാണ്. ..."
അയാള് എന്തോ മനസ്സിലായതുപോലെ തലയാട്ടി.
അവനെ താഴെ ഇറക്കി വച്ചു.
തലേന്ന് വൈകുന്നേരം പക്ഷികള്ക്കു നേരെ പറന്നു വന്ന ഭീമാകാരൻ കല്ലുകള് ഒരു മല പോലെ കൂട്ടിയിട്ടിരിക്കുന്നതവൻ കണ്ടു.
അവ മുകളിലേക്കു എയ്യുവാൻ ഭീമൻ തെറ്റാലികളും.
ഭീമൻ പക്ഷികളെ അവര് വേട്ടയാടി പിടിക്കുന്നതാണെന്നവനു മനസ്സിലായി.
ഭീമൻ മനുഷ്യർക്ക് ഭീമാകാരമായ ഇരകൾ......
ഇതായിരിക്കുമോ ജ്യൂറാസിക് കാലഘട്ടം. .....?
ഇവിടെയാവുമോ ആ നിബിഡ വനങ്ങളും ദിനോസറുകളും
...?
അവന്റെ മനസ്സില് ആകാംക്ഷയും ഭയവും ഉരുണ്ടു കൂടി.
ഇന്നത്തെ വേട്ട അവസാനിച്ചിരിക്കുന്നു.
അവരുടെ നേതാവ് വിപിനെ പിടിച്ചു തോളിലേറ്റി.
അവർ തിരിച്ചു പോവുകയാണ്.
അയാളുടെ ശരീരത്തിലെ കയറു പോലെ കിടക്കുന്ന രോമങ്ങളിൽ പിടിച്ചു കൊണ്ട് അവനിരുന്നു.
അതൊരു മരു പ്രദേശം ആയിരുന്നു. ഒരിലയോ ചെടിയോ പച്ചപ്പോ എങ്ങും കാണാനില്ല. അവര് പാറക്കൂട്ടങ്ങളും മണൽതിട്ടകളും ചതുപ്പ് നിലങ്ങളും താണ്ടി മുന്നോട്ടു നടന്നു തുടങ്ങി.
അവർ വളരെ ദൂരം നടന്നു.
വളരെ ദൂരെ മേൽക്കൂരയില്ലാത്ത ഭീമൻ കെട്ടിടങ്ങൾ തലയുയർത്തി നിൽക്കുന്ന ഒരു ഗ്രാമം അവന് അയാളുടെ തോളിലിരുന്നു കണ്ടു.
പക്ഷേ ആ യാത്ര നിശ്ശബ്ദമായിരുന്നു.
ദൂരെ മറ്റൊരു ഗ്രാമത്തിന്റെ ലക്ഷണങ്ങൾ കണ്ടു തുടങ്ങി.
അതോ പ്രാചീന കാലത്തേക്കാണ് താൻ വന്നു വീണതെന്നവന്നു തോന്നി.
തന്റെ.. നാട്
വീട്...
വീട്ടുകാർ.....
ഇനിയൊരിക്കലും തിരിച്ചു പോവാൻ കഴിയാത്ത വിധം ഒത്തിരി അകലെയാണവയെല്ലാം..
വിപിന്റെ കവിളിലൂടെ ഒരിറ്റ് കണ്ണുനീർ ഒലിച്ചിറങ്ങി.
യാത്ര.....
രാവും പകലും കടന്നുള്ള ദീർഘമായ യാത്ര തന്നെയായിരുന്നു.
പക്ഷെ താൻ അവർക്ക് വളരെ പ്രിയപ്പെട്ടതാണെന്നവന് പതിയെ മനസിലായി.
വേട്ടയാടി ലഭിച്ച മാംസമെല്ലാം ആ ഗ്രാമത്തിലേൽപിച്ച് അവർ ആഘോഷപൂർവം മറ്റൊരു യാത്ര തുടങ്ങുകയായിരുന്നു.
കൃത്യമായ എന്തോ ലക്ഷ്യം വച്ചു കൊണ്ടൊരു ദീർഘയാത്ര...
ആ പ്രാചീന ലോകത്തെ ജീവിതങ്ങളിൽ വിസ്മയം പൂണ്ട് വിപിൻ അവരുടെ കൂടെ യാത്ര സജീവമാക്കി.
ആരാണവർ...?
എന്താണവരുടെ ലക്ഷ്യം...?
വിപിനെ ആഘോഷപൂർവം അവർ എങ്ങോട്ടാണ് ആനയിക്കുന്നത്...?
ഈ മനുഷ്യരും അവരുടെ വളർത്തു മൃഗങ്ങളും എങ്ങനെയാണ് ഇത്ര ഭീമാകാര രൂപത്തിലായത്...?
stay with Amazing...
🏌️🏌️🏌️🏌️
No comments:
Post a Comment