അൽ-യക്ഷി 2.
=============
ഇത് ഉമ്മ പറഞ്ഞ സംഗതി തന്നെ. പൊട്ടി തിരിക്കുന്നതാണ്. നേരം വെളുക്കും വരെ തനിക്ക് താനിവിടെ കറങ്ങേണ്ടി വരും.
ഉടനെ അൽപം മൂത്രമൊഴിക്കാനിരിക്കുക . അതു മാത്രമാണ് പോംവഴി. ഷഫീഖ് റോഡിനോരത്ത് നീട്ടി മൂത്രമൊഴിച്ചു .
"പൊട്ടീ....ഇനി നീയെന്നെ വഴി തെറ്റിക്കുന്നതൊന്നു കാണണം...."
പുതിയ ആത്മവിശ്വാസത്തോടെ അവൻ വെല്ലുവിളിച്ചു . ബൈക്കിനെ കടന്നു വീണ്ടും അവൻ വേഗത്തില് നടന്നു.
പക്ഷെ ....
പ്രശ്നം മൂത്രമൊഴിച്ചാൽ തീരുന്നതായിരുന്നില്ല. അവൻ വീണ്ടും പഴയ കവലയിൽ തന്നെ എത്തിച്ചേർന്നു.
ഇനി എന്തു ചെയ്യണമെന്നറിയാതെ അവൻ മിഴിച്ചു നിന്നു.
പെട്ടെന്നാണ് അവനാ ബുദ്ധി തോന്നിയത്. വീട്ടിലേക്കു വിളിച്ചു പറയാം. താനിവിടെ വെളിച്ചമില്ലാതെ കുടുങ്ങി നിൽക്കുകയാണെന്ന്
അവൻ ഫോണില് വീട്ടിലെ നമ്പറിലേക്ക് വിളിക്കാനാരംഭിച്ചു.
ദൂരെ മൊബൈല് ടവറിലെ ചുവന്ന വെളിച്ചം അവൻ കണ്ടു. പക്ഷേ എത്ര ശ്രമിച്ചിട്ടും ഫോണ് കണക്ടാവുന്നില്ല.
ഇല്ല ഒട്ടും റേഞ്ച് കാണിക്കുന്നില്ല .
അവൻ വീണ്ടും നിസ്സഹായനായി .
ഏതു നേരത്താണോ ഒറ്റക്ക് സിനിമക്ക് വരാന് തോന്നിയത്.
അവൻ പിറുപിറുത്തു.
ഇത്രയും സമയമായിട്ടും ഒരു വാഹനം പോലും അതുവഴി വരാത്തത് അവനെ അത്ഭുതപ്പെടുത്തി.
ഇനി ഒരു മാർഗമേ കാണുന്നുള്ളൂ ...
ബൈക്കെടുത്ത് തിരികെ ടൗണിലേക്ക് വിടുക.
അവൻ വേഗത്തില് ബൈക്കിനടുത്തേക്ക് നടന്നു.
പക്ഷെ അൽപം ദൂരെ താന് ബൈക്ക് പാർക്ക് ചെയ്തതിനു സമീപം ഒരു വെളുത്ത രൂപം.
"അല്ലാഹ്. ... ഇനി വല്ല യക്ഷിയും. ..?"
"ഇനി ജിന്നായിരിക്കുമോ ..? "
ആരായാലും വേണ്ടില്ല . അവൻ ധൈര്യം സംഭരിച്ച് മുന്നോട്ടു നടന്നു.
തനിക്കറിയാവുന്ന ദൈവിക സൂക്തങ്ങൾ ഉറക്കെ ഉരുവിട്ടു. പുറം തിരിഞ്ഞു നിൽക്കുന്ന രൂപം അവനു നേരെ മുഖം തിരിച്ചു.
അതൊരു സ്ത്രീയായിരുന്നു .
അതിസുന്ദരിയായ ഒരു സ്ത്രീ രൂപം.
അത് അവനെ നോക്കി ഒന്നു പുഞ്ചിരിച്ചു. വെളുത്ത നിരയൊപ്പിച്ച പല്ലുകള് തിളങ്ങി.
"ആരാ. ... ജിന്നാണോ..? "
ഷഫീഖിൻറെ ശബ്ദം പതറി.
അല്ല. ..... ആ സ്ത്രീ തലവെട്ടിച്ചു .
"പിന്നെയാരാ പ്രേതമാണോ ..? "
"നീയിതിനു മുൻപ് പ്രേതത്തെ കണ്ടിട്ടുണ്ടോ ..? "
മനോഹരമായ ശബ്ദത്തിൽ ആ രൂപം തിരിച്ചു ചോദിച്ചു.
രൂപം പോലെ തന്നെ മനോഹരമായ ശബ്ദവും.
" ഇനി യക്ഷിയായാലും കുഴപ്പമില്ല. ജീവിതത്തിൽ ആദ്യമായാണ് ഞാന് ഒരു യക്ഷിയെ കാണുന്നത്. ..!"
ഷഫീഖ് ചിരിക്കാൻ ശ്രമിച്ചു.
"തനിക്ക് പേടിയുണ്ടോ ...? "
"ഡ്രാക്കുള ത്രീ ഡി കണ്ടിട്ട് താന് പേടിച്ചിട്ടില്ല പിന്നാ.... "
അവൻറെ സംസാരം കേട്ട് അവള് പൊട്ടിച്ചിരിച്ചു . ഒരു മാലയിലെ മുത്തുകള് ചിതറുന്നതുപോലെ മനോഹരമായ ചിരി.
"അപ്പോള് തനിക്ക് യക്ഷിയെ പേടിയില്ല...? "
അവൾ വീണ്ടും ചോദിച്ചു.
"യക്ഷി എന്നു പറയുന്ന സംഗതി ഇത്ര സുന്ദരിയാണെങ്കിൽ ..? "
ഷഫീഖ് അർദ്ധോക്തിയിൽ നിർത്തി.
"ആണെങ്കില്. ..? "
"ആണെങ്കില് യക്ഷിയെ ഞാന് ചിലപ്പോള് പ്രേമിച്ചു പോവും. ."
അവൻ തൻറെ വാക്കുകള് മുഴുമിച്ചു .
അവൾ അതുകേട്ട് പൊട്ടിച്ചിരിക്കാൻ തുടങ്ങി.
വന്യമായ ആ ചിരിയില് ആ പരിസരം പ്രകമ്പനം കൊണ്ടു.
തുടരും
(കൊക്കിൽ ജീവനുണ്ടേൽ നാളെ മുഴുവന് എഴുതി പോസ്റ്റ് ചെയ്യും.)
No comments:
Post a Comment